Gjyqtari Xhaja goditet me shishe, ndërpritet ndeshja Elbasani-Tirana

Tensione të forta kanë përfshirë sfidën vendimtare të javës së fundit të kampionatit, duke detyruar arbitrin Juxhin Xhaja të ndërpresë përkohësisht ndeshjen.

Situata është përshkallëzuar në tribunat e stadiumit, ku në drejtim të fushës janë hedhur sende të forta dhe lëndë plasëse, duke krijuar momente kaosi dhe pasigurie për lojtarët dhe stafet teknike.

Pas incidenteve të përsëritura, Xhaja vendosi të ndalojë takimin dhe të largohet drejt dhomave të zhveshjes së bashku me ekipin e arbitrave, ndërsa forcat e sigurisë kanë ndërhyrë për të qetësuar situatën në stadium.

Ndërprerja vjen në një moment delikat të ndeshjes, e cila ka peshë të madhe për objektivat e skuadrave në javën e fundit të kampionatit. Ende nuk dihet nëse takimi do të rifillojë apo nëse do të merren masa të tjera nga organizatorët dhe delegatët e federatës.