Gnabry rezulton negativ në testin e dytë, por sërish nuk luan në dy sfidat e radhës

Serge Gnabry, i cili doli pozitiv në Covid-19 të martën, në prag të ndeshjes kundër Atlético Madrid, ditën e sotme sipas gazetës “Bild” ka rezultuar negativ. Gjithsesi pavarësisht këtij fakti ai nuk do të luajë nesër kundër Eintracht Frankfurt.

Kjo është për shkak të protokolleve shëndetësore në Bavari që kërkojnë që të gjithë të futen në karantinë për 10 ditë edhe në rast të një testi negativ.

Lojtari sigurisht që do të jetë i padisponueshëm për ndeshjen kundër Lokomotiv Moscow, e planifikuar për të martën. Me shumë mundësi ai do të kthehet për ndeshjen e 31 tetorit kundër Koln.