Grabitje spektakolare në Angli, hajdutët e lidhin Ashley Cole dhe i vjedhin sende me vlerë

Ish mbrojtësi i njohur anglez Ashley Cole është sulmuar nga një bandë hajdutësh me maska në shtëpinë e tij, teksa mediat angleze kanë zbuluar se e gjithë ngjarja ka ndodhur më 21 janar të këtij viti.

Hajdutët u futën në shtëpinë e Cole nga një portë e pasme rreth orës 21:45 dhe nuk e kishin parashikuar që ish mbrojtësi do të ishte aty, por kur e hasën përballë e sulmuan menjëherë duke e lidhur pas një karrige.

Ata grabitën bizhuteri me vlerë dhe sasi të vogla parash kesh, e më vonë u larguan pa lënë asnjë gjurmë, ndërsa ende edhe sot policia nuk ka arritur të identifikojë autorët.

“Ishte një eksperiencë e tmerrshme. Hajdutët, që mbanin veshur kostume kamuflazhi dhe maska, ishin profesionistë dhe e dinin saktësisht si të lëviznin dhe çfarë të bënin”, ka thënë Ashley Cole.