Grezda në super formë, shënon në miqësoren ndaj Lokomotivës (VIDEO)

Eros Grezda duket se po rigjen formën e tij më të mirë te skuadra e Osijekut. Sulmuesi gjakovar nisi nga minuta e parë ndeshjen miqësore kundër Lomokotiv së Moskës duke shpërblyer besimin e trajnerit.

24-vjeçari arriti që të shënonte një gol të bukur në minutën e 17-të, teksa e dërgoi topin në rrjetë pas një topi të mbetur në zonën e rreptësisë së ekipit rus.

Ndeshja do të mbyllej në shifrat 2-0, teksa në minutën e 34-të, edhe Maric arriti që të shënonte.