Haaland zbulon pjatën e preferuar: Më pëlqen pica me shishqebap!

“Pjata ime e preferuar është pica me shishqebap”. Kështu është shprehur sulmuesi norvegjez Erling Haaland në një intervistë për “Borusia TV”. Më pas ish-sulmuesi i Salzburgut shton: “Në kohën e lirë më pëlqen të luaj FIFA me miqtë”.

Transferimi te Borussia Dortmund në janar nga Salzburgu, pati një ndikim shumë pozitiv për sulmuesin norvegjez, i cili ka gjetur rrugën e rrjetës në vazhdimësi.

“Unë stërvitem dhe meditoj shumë. Para se të luaj një ndeshje më pëlqen të dëgjoj muzikën e reperit Amara. Para çdo ndeshje dëgjoj një këngë të quajtur ‘Keep Dreaming’ “.

Haaland ka shënuar 40 gola në 33 ndeshje këtë sezon me Salzburgun dhe Dortmundin. E ardhmja e tij është një dilemë më vete, teksa skuadra e mëdha kanë filluar që të lëvizin për ta transferuar që këtë verë. /R.Lika-Koha Jone/