Hebaj shkëlqen në Uzbekistan, shënon tripletë golash

Rubin Hebaj, duket se ka rigjetur formën e tij më të mirë në Uzbekistan, aty ku u transferua në merkaton e janarit.

Sulmuesi shkodran është pjesë e Andijan dhe këtë të hënë ishte protagonist absolut në fitoren 5-0 të skuadrës së tij ndaj Metallurg Bekabad.

Hebaj ishte autor i tre golave, në minutat 2, 9 dhe 82. Këta janë golat e parë me fanellën e Andijan për Hebajn, i cili deri tani është aktivizuar në katër ndeshje.