Historike, një ekip kosovar në grupet e ”Conference League”. Një sukses nga Ilir Daja

Këtë mbërmje të së enjtes, shkruhet historia e një ekipi të vogël, nga Suhareka e Kosovës.

Ballkani bëhet skuadra e parë shqiptare që arrin të kualifikohet në grupet e ”Conference League”. Skuadra e Ilir Dajës fitoi me rezultatin e përgjithshëm 3-1 ndaj ekipit shqiptar të Shkupit.

Skuadra nga Suhareka ia doli të merrte rezultatin 1-2 në sfidën e luajtur një javë më parë në Shkup, ndërsa mbrëmjen e kësaj të enjte ka triumfuar edhe në takimin e zhvilluar në “Fadil Vokrri”.