Hodhën flakadanë në fushë ndaj Polonisë, identifikohen 15 persona dhe arrestohen dy prej tyre

Edhe pse policia bllokoi mbi 300 flakadanë para fillimit të sfidës mes Shqipërisë dhe Polonisë, përsëri tifozët kuqezi gjetën mënyrat e tyre për të futur brenda stadiumit disa mjete piroteknike.

Sipas burimeve nga policia, në vijim të punës për identifikimin dhe penalizimin e personave që kanë hedhur mjetet e palejuara, janë marrë pamjet filmike të stadiumit “Air Albania” dhe janë nxjerrë 15 foto të personave që kanë përdorur flakadanë dhe tymuese, ndërsa dy prej tyre janë arrestuar.