Homazh për të madhin MEDIN ZHEGA në 80-vjetorin e tij të lindjes…

Nga Saimir Kadiu:

Medin Zhega (31 JANAR 1946 – 12 qershor 2012), sulmuesi i famshëm i Vllaznisë, Dinamos dhe Përfaqësueses shqiptare lindi 80 vjet më parë më 31 janar 1946 në vendlindjen e futbollit shqiptar në Shkodër.

Lojtar me një fizik të përsosur, teknik dhe shumë inteligjent.

Mbi të gjitha një mbret i bukur i lojës në ajër …një Santillana shqiptar…

■ Debutoi me ekipin përfaqësues në 2 maj 1965 në Gjenevë kundër Zvicrës në eliminatoret e Botërorit (0-1).

■ Ndeshja e fundit i përket 12 qershorit 1971 në Karlsruhe kundër RFGJ (0-2).

■ Përpara se të kishim treshen e famshme dhe të paaritshme të Dinamos: Përnaska -Zëri-Ballgjini….kemi patur edhe një dyshe të madhe të viteve 60′ : ÇEÇO-ZHEGA…

■ Jo rastësisht “Ramsey” shqiptar Myslym Alla e kishte këtë dyshe pjesë të pandarë të ndeshjeve ndërkombëtare të Tiranës së famshme të viteve 60′.

☆Titujt e fituar si futbollist:

● Katër herë kampion kombëtar: 1966-67 ( Dinamo), 1971-72 (Vllaznia), 1973-74 (Vllaznia), 1977-78 (Vllaznia)

● Katër herë fitues i kupës së Shqipërisë:1965,1972,1979, 1981 (të gjitha me Vllazninë)

■ Në sezonin 1966-67: fiton titullin “Këpuca e Artë” me 19 gola (kur luante me Dinamon)

■ Me ekipin Kombëtar të Shqipërisë si futbollist: Nga viti 1965 – 1971 ka zhvilluar 9 ndeshje (2 gola)

● 24.11.1965: Shqipëri –Irlandë e Veriut 1-1 ( Zhega barazoi rezultatin në 77’)

● 12.05.1971 Shqipëri-Poloni 1-1 ( Zhega barazoi në 31’)

■ Golat më të famshëm:

☆ Goli i barazimit me Ajaks Amsterdam ( 17 Nëntori –Ajaks Amsterdam 2-2) 1970

☆Goli i dytë kundër Austria Vjena ( Vllaznia –Austria Vjenë 2-0) 1978

☆Tituj të tjerë:

Në vitin 2000 Kupën e turneut “Rothmans” në Maltë si trajner i Kombëtares së Shqipërisë

☆Mjeshtër i Merituar i Sportit dhe Nderi i Sportit Shqiptar.

■ Është dekoruar me titullin “Mjeshtër i Madh i Punës”. Dekoruar nga Kuvendi Popullor me medaljen “Naim Frashëri”. “Qytetar Nderi” i qytetit të Shkodrës.

■ Në mendjen e të gjithë dashamirësve të futbollit tonë do të mbeten të paharrueshme skenat e fundit të ndeshjes së Shqipërisë kundër Gjermanisë, luajtur më 24.3.2001 në Leverkusen, (e cila u fitua 2-1 nga gjermanët në minutat e fundit, me një gol të Klose.)

Në pankinën tonë, në këmbë, duke ecur përreth zonës së trajnerit, nën shi, por krenar, i madhi Medin Zhega!