Humbja me Romën, Igli Tare incident me gjyqtarin Tagliavento

Lazio pëson disfatë 2-0, në derbin  me Romën, që u zhvillua të dielën pasdite.

Lazio pësoi humbjen e katërt, në 5 ndeshjet e fundit. Fitorja e Romës nisi që në minutat e para me 11-metërshin e dyshimtë të dhënë nga Paolo Tagliavento.

Ky vendim nervozoi drejtorin sportiv të Lazio, Igli Tare.

Mediat italiane shkruajnë se Igli Tare është përballur me Tagliavento në korridoret e stadiumit “Olimpico” gjatë pushimit mes dy pjesëve.

Debate mes tyre për pak nuk është kthyer në një përplasje fizike.

Një veprim që mund të cënojë ish-futbollistin që tani ka post drejtuesi te klubi italian, i cili mund të ndëshkohet nga Komisioni i Disiplinës.

Në përfundim të ndeshjes Igli Tare pati edhe një bisedë me tifozët. Lazio pas 12 javësh të Serie A ndodhet në mesin e renditjes me 18 pikë.