Inter, 6 vjet pritje për kryesimin e Seria A

Gjashtë vjet pritje. Kaq ishte koha që i nevojitej Inter të shijonte i vetëm kryesimin e Seria A. Për herë të fundit, vendi i parë pas javës sw 13-të të kampionatit nw Itali, kishte ndodhur në sezonin 2009-2010, atëherë kur Inter fitoi tre trofe, me Mourinho nw stol.

Në atë periudhë pikët e grumbulluara ishin 32, ndërsa tashmë 30. Por, kjo ka pak rëndësi, pasi Interi i sheh të gjithë rivalët nga lart. Trajneri Roberto Mançini ëndërron një sezon fitues dhe kjo vjen falë mbrojtjes solide. Merita është e dyshes Miranda-Murillo, që i kanë dhënë garanci të gjithë repartit difensiv. Me këta lojtarë në fushë, zikaltërit nuk kanë humbur asnjë nga shtatë ndeshjet e luajtura dhe kanë pësuar vetëm dy gola.

Interi e mbaji portën të paprekur për të katërtën ndeshje radhazi në Serinë A, diçka që nuk ndodhte prej Prillit të vitit 2009. Shifrat konfirmojnë se dyshja e qendrës e përbërë nga kolumbiani dhe braziliani kanë bërë një mrekulli. Në Itali dihet se shpesh në fund titullin e fiton ekipi me mbrojtjen më të fort. T’i shtosh këtu edhe faktin se sulmi i Interit u zhbllokua, Mançini mund të qëndrojë i qetë për ecurinë e skuadrës.

Katër gola në një ndeshje si ajo me Frosinonen nuk kishte ndodhur në këtë edicion. Ishte hera e parë që Interi realizoi më tepër se dy gola. Garanci dha edhe Icardi me rrjetën e realizuar, goli i katërt në këtë sezon. Për sulmuesin nuk do të jetë aspak e lehtë t’i rikuperojë 6 gola Higuain në renditjen e golashënuesve. Dueli direkt do të nisë prej sfidës së të hënës së ardhshme në San Paolo. Një sfidë për Këpucën e Artë, por mbi të gjitha një duel direkt për titullin.