Inter-Juve, zbulohen datat e gjysmëfinaleve mes tyre në Kupën e Italisë

Derbi i Italisë mes Interit dhe Juventusit do të luajnë dy herë të tjera mes tyre për gjysmëfinalen e Kupës së Italisë. Në harkun e 7 ditëve Interi dhe Juventusi do të sfidojnë dy herë të tjera njëra-tjetrën vetëm pak ditë pas atij dueli në kampionat që u mbyll me fitoren 2-0 të skuadrës së Contes.

Derbi i parë gjysmëfinal në Kupën e Italisë do të luhet pas 5 ditësh pikërisht të martën e 2 shkurtit në orën 20:45 në San Siro me Interin që do të ketë dy mungesa të mëdha në këtë sfidë siç janë ato të Lukakut dhe Hakimit të cilët janë të skualifikuar.

Përballja e kthimit do të luhet pas një jave në datën 9 shkurt në “Allianz Stadium” aty ku do të përcaktohet edhe skuadra e parë finaliste e këtij edicioni të Kupës së Italisë.