Lautaro: Kurrë s’kam qenë kaq i fortë. Liverpool? Një padrejtësi, nëse do të fishkëlleheshin gjithmonë penallti të tilla …

Lautaro Martinez, kapiteni i Interit, i shpërblyer me çmimin “Performanca e Vitit 2025” në Gazzetta Sport Awards, tregoi a ironike jashtë fushës, ndërsa theksoi seriozitetin dhe fokusin te fitorja gjatë ndeshjeve dhe stërvitjeve. Ai shprehu zhgënjimin për humbjen ndaj Liverpool-it, duke e cilësuar atë një “padrejtësi”.

“Nëse do të fishkëlleheshin penallti për çdo mbajtje, nuk do të luhej kurrë,” tha ai, duke theksuar se skuadra nuk është e zemëruar, por e zhgënjyer nga vendimi i arbitrit. Humbjet, si ajo në finalen e Mynihut, ndihmojnë në rritje, dhe me trajnerin e ri, Cristian Chivu, skuadra po rritet dita-ditës.

Martinez beson se nuk ka qenë kurrë kaq i fortë, dëshmi janë 11 golat e tij këtë sezon, krahasuar me pesë vitin e kaluar. Këtë e sheh si shpërblim për punën e palodhur dhe mbështetjen familjare. Kritikat nuk e befasojnë, pasi janë pjesë e pritshmërive të larta. Ai zbuloi se ka punuar me një psikolog për të menaxhuar ekuilibrin, duke kuptuar se sulmet shpesh vijnë nga ata që do të donin të ishin në vendin e tij, gjë që e ka ndihmuar të përballet me to me qetësi dhe të shijojë karrierën.

Për titullin kampion, ai përfshin Romën përkrah Milanit dhe Napolit. Martinez refuzon të zgjedhë mes titullit dhe Champions League, duke dëshiruar të arrijë në fund të të gjitha kompeticioneve, siç ka bërë Interi vitet e fundit, duke e quajtur rrugëtimin e tyre “të jashtëzakonshëm”. Ai vlerësoi shokët e rinj të skuadrës, Pion dhe Bonny-n, dhe shprehu besim te kombëtarja argjentinase për Botërorin.