Interi harron shumë shpejt disfatën në Kupën e Italisë në Kupë, duke marrë një fitore të rëndësishme 2-0 në transfertën ndaj Fiorentinës. Vjollcë vinin në këtë sfidë me shumë mungesa, teksa Ribery ishte i dëmtuar, ndërkohë që Castrovilli ishte i pezulluar për shkak kartonësh.
Zikaltrit zhbllokuan ndeshjen në minutën e 31-të me një super gol nga distanca të Barella-s, që nuk i dha asnjë mundësi reagimi portierit Dragoëski. Në fillimin e pjesës së dytë, Hakimi shërbeu një asist për Perisic, që e pati të thjeshtë për ta shtyrë topin në rrjetë me portën e boshatisur.
Me këtë fitore Interi ngjitet momentalisht në krye të renditjes me 47 pikë, ndërkohë që Fiorentina mban vendin e 12-të me vetëm 22 pikë. /R.Lika-Koha Jone/
