Interi nuk di të fitojë më, ndalet edhe ndaj Cagliarit (VIDEO)

Interi ka harruar se si fitohet në Seria A. Skuadra zikaltër ka marrë barazimin e tretë radhazi, teksa këtë herë është ndalur nga Cagliari.

Ekipi i Contes zhbllokoi ndeshjen në minutën e 29-të me Lautaro Martinez, i cili shfrytëzoi më së miri një krosim të Ashley Young. Sulmuesi argjentinas dhe Lukaku shpërdoruan disa mundësi të mira shënimi për të dyfishuar rezultatin.

Miqtë ndërkohë do të arrinin që të vendosin baraspeshën pas disa rasteve. Në minutën e 77-të, Nainggolan karikon të djathtën nga distanca duke lënë të shtangur portierin Handanovic, i cili nuk e shoqëron me sy në rrjetë. Në minutat shtesë Lautaro Martinez është ndëshkuar me karton të kuq, pasi u hakërrye ndaj arbitrit pas një kartoni të verdhë. /R.Lika-Koha Jone/