Ipswich Town bën gati ofertën për të rrëmbyer Anis Mehmetin

Anis Mehmeti po përjeton një moment shumë të mirë në futbollin anglez dhe paraqitjet e tij nuk kanë kaluar pa u vënë re. Sulmuesi i Kombëtares shqiptare ka marrë vëmendjen e disa klubeve në Angli, jo vetëm falë formës së shkëlqyer, por edhe për shkak të situatës së tij kontraktuale, pasi marrëveshja aktuale i skadon në fund të sezonit.

Sipas Football Insider, Ipsëich Toën ka shfaqur interes konkret për të siguruar shërbimet e sulmuesit të Bristol City që në merkato e janarit. Klubi që synon rikthimin në Premier League e sheh Mehmetin si një përforcim kyç për të realizuar objektivat e tij ambicioze.

Në të njëjtën kohë, Bristol City po përpiqet të blindojë lojtarin duke i ofruar rinovimin e kontratës, por ndërhyrja e Ipsëich ka komplikuar situatën. Mehmeti po kalon një sezon mbresëlënës në Championship, me nëntë gola të shënuar dhe gjashtë asistime në 30 paraqitje, statistika që e rendisin ndër sulmuesit më efikas të kampionatit.

Ditët e fundit të merkatos pritet të jenë vendimtare. Bristol City ndodhet përballë një dileme të madhe: të mbajë Mehmetin në skuadër për të luftuar për një vend në zonën “play-off”, duke shpresuar ta bindë për rinovim, apo të rrezikojë humbjen e tij pa përfitime në fund të sezonit.