Java e 11-të, Kastrioti dhe Luftëtari nuk “bëjnë shaka” për Superioren

Sporti E Diel, 18 Prill 2021 23:03

Erzeni humb në Fushë-Krujë, Dinamo në Tiranë, ndërsa Apolonia me Sopotin fitojnë minimalisht dhe vijojnë të ushqejnë shpresat për t’u ngjitur në Kategorinë Superiore. Janë luajtur të shtunën ndeshjet e javës së 11-të në Kategorinë e Parë. Fitoret më të thella i kanë sigluar Luftëtari dhe Apolonia, me rezultatin 4-0, respektivisht ndaj Turbinës dhe Shkumbinit. Pesë penallti janë akorduar nga gjyqtarët në ndeshjet e javës së 11-të, të gjitha të kthyera në gola. Nuk ndryshon kryesimi në grupe, ku në atë të Veriut dhe të Jugut, respektivisht ndodhen edhe këtë javë Kastrioti dhe Luftëtari. Ndeshja e fundit e javës, Elbasani-Butrinti do të luhet ditën e hënë, në “Qemal Stafa”. Papritur Elbasani është dëbuar nga shtëpia e tij, dhe i është komunikuar që nuk do të luajë në “Elbasan Arena”.