Java e 5-të e Kampionatit/ Tirana nuk i ndahet barazimit, Elbasani shkon në vendin e tretë

Për javën e 5 të kampionatit, Tirana dhe Elbasani kanë ndarë nga një pikë pas barazimit 1-1.

Bardheblutë kaluan në avantazh me anë të Kolës, në minutën e 22, pas një goditje këndi. Kundërpërgjigja e Elbasanit nuk vonoi, me Ze Gomes që barazoi shifrat vetëm 2 minuta më vonë.

Në pjesën e dytë rastet nuk munguan, madje Elbasani humbi edhe 11-metërsh në minutën e fundit shtesë, me Selmanin që priti ekzekutimin e Mustës.

Tirana mbetet në vendin e shtatë, me 5 pikë në 5 ndeshje. Ndërsa Elbasani me 8 pikë të grumbulluara shkon në vendin e 3, me 2 pikë më pak se Vllaznia kryesuese dhe Egnatia.