Jed Spence, myslimani i parë që luan me Anglinë në Kupën e Botës

Mbrojtësi i djathtë i Anglisë, Jed Spence, ka shkruar një faqe të re historike në Botërorin 2026, duke u bërë lojtari i parë mysliman që përfaqëson “Tre Luanët” në një fazë finale të Kupës së Botës.

Futbollisti i Tottenham Hotspur ka arritur këtë moment të veçantë në karrierë pas përfshirjes në skuadrën e Anglisë dhe aktivizimit të tij në turneun më prestigjioz të futbollit botëror.

Ky është një tjetër hap i rëndësishëm në rrugëtimin e Spence, i cili më herët kishte hyrë në histori në shtator të vitit 2025, kur u bë lojtari i parë mysliman që përfaqësonte kombëtaren e Anglisë në një ndeshje zyrtare, gjatë kualifikueseve për Botërorin ndaj Serbisë.

Me paraqitjen e tij në Kupën e Botës 2026, ai tashmë shënon një tjetër rekord, duke u bërë i pari lojtar mysliman që luan për Anglinë në fazën finale të këtij kompeticioni.

Spence ka theksuar më herët se ndihet krenar për këtë arritje dhe shpreson që historia e tij të shërbejë si frymëzim për fëmijët dhe të rinjtë me prejardhje të ndryshme, duke i inkurajuar të ndjekin ëndrrat e tyre në futboll dhe sport në përgjithësi.