Jorgji do të gjykojë një tjetër ndeshje në Europa League

Arbitri shqiptar Enea Jorgji do të drejtojë një tjetër ndeshje të rëndësishme në arenën ndërkombëtare. Ai është përzgjedhur si kryesor për sfidën Viktoria Plzen-Malmo, e vlefshme për raundin e dytë të Europa League, që do të luhet të enjten.

Jorgji do të ketë në krah si asistentë Denis Rexhën dhe Ridiger Çokajn, ndërsa arbitër i katërt është caktuar Florian Lata. Në dhomën e VAR do të jetë Kreshnik Bajramaj.

Ky është një tjetër hap i rëndësishëm në kuadër të programit të UEFA-s “Talent & Mentor”, që po e çon gjyqtarin shqiptar gjithnjë e më pranë elitës së arbitrimit europian.