Jose Mourinho do të marrë drejtimin e ekipit saudit, pritet të debutojë ndaj Romës

Jose Mourinho u shkarkua nga Roma, por tekniku portugez nuk pritet të qëndrojë shumë kohë pushim. E ardhmja e “Special One” do të jetë Arabia Saudite, edhe pse përflitet për një interesim të Napolit.

Shtypi saudit raporton se 60-vjeçari pritet të marrë drejtimin e Al-Shabab, skuadër ku luajnë emra si Carrasco, Banega dhe Diallo. Mourinhon e pret një ofertë faraonike nga klubi që garon në elitën e futbollit arab.

Trajneri nga Setubali do të zyrtarizohet në ditët e ardhshme si timonieri i Al-Shabab. Skuadër që në datën 24 janar ka programuar një takim miqësor kundër Romës, ish-skuadrës së Mourinhos.

Al-Shabab renditet në vendin e 11-të në kampionatin saudit. Me 21 pikë të grumbulluara në 19 javë.