Juve gabon me Kievon, Inter-Milan…Cila përfiton?

Sporti E Hënë, 19 Prill 2021 02:34

Milan apo Inter? Derbi i madh i Milanos rikthehet nesër në mbrëmje si gjithnjë, edhe më emocionues. Të dyja ekipet e Milanos synojnë të lënë pas zhgënjimin e viteve të fundit dhe do të tentojnë të marrin maksimumin për të pretenduar të paktën një vend në zonën e Champions League. Kjo për faktin se kampionët e Juventus nuk e kanë nisur mirë sezonin. Pas tre ndeshjeve të para Juventus mori edhe pikën e parë, falë një 11-metërshi që Dybala e ktheu në gol në fundin e ndeshjes ndaj Kievos. Bardhezinjtë u befasuan në fillim të ndeshjes nga goli i futbollistit me origjinë shqiptare, Përparim Hetemaj. Ai shënoi pas pesë minutave loja dhe Kievo ishte shumë pranë fitores. Roma fitoi 2-0 në transfertë ndaj debutuesve të Frosinone, me gola të Falque 44’ e Iturbe 93’, duke u ngjitur pas tre ndeshjeve të para në kuotën e 7 pikëve. Roma ndan aktualisht kreun me Kievon, që është edhe surpriza e javëve të para.

Seria A