Juventus befason Interin, kërkon të rrëmbejë yllin e Udineses

Teksa në kampionat Interi është 9 pikë para Juventusit, një duel i ri është duke u zhvilluar në merkato për Rodrigo De Paul, mesfushori i Udineses i cili prej kohësh është në orbitën e Interit. Argjentinasi gjithsesi në orët e fundit ka shprehur dëshirën për të luajtur në Champions League.

Kërkesa e Udineses prej 35 milionë eurosh ka frenuar skuadrën e Interit, që nuk dëshiron të paguajë një shifër të tillë. Në garë për të që nga janari mund të bëhet pjesë edhe Juventusi, që ka marrëdhënie shumë të mira me klubin friulian.

Juventus ka në pronësi kartonin e Madragoras dhe do të provojë që të hap tratativat për De Paul. Skuadra torineze do të ofrojë kartonin e dytë futbollistëve Portanova dhe Rugani, për të ulur shifrën që kërkon Udinese në merkato. /R.Lika-Koha Jone/