Juventus dhe Monaco në gjysmëfinale

Juventus heroik, Barcelonë “shterpë”! Skuadra kampione e Spanjës sot nuk ia ka dalë që të mposhtë rezistencën e hekurt të bardhezinjve në ndeshjen kthyese, duke mos arritur asgjë më shumë se një barazim me rezultat 0-0, duke u eliminuar nga Liga e Kampionëve me rezultat të përgjithshëm 3-0 nga 180 minuta pa asnjë gol në portën e mbrojtur nga legjendari Buffon.

Në “Camp Nou” sot katalanasit provuan gjithçka, por Leo Messi me shokë qenë të pafat para porte në shumë raste të krijuara dhe nuk patën shkëlqimin e zakonshëm.

Në ndeshjen tjetër, Monaco fitoi 3-1 ndaj Dortmundit në shtëpi dhe gjithsej ka fituar në dy ndeshje 6-3 ndaj ekipit gjerman. Skuadra franceze po bën mrekullinë në Champions League, thuajse ashtu si në vitin 2004, kur arriti deri në finale.