Juventus fiton me lehtësi derbin ndaj Torinos dhe i afrohet kreut

Juventus vijon të dominojë në derbin e qytetit duke marrë një tjetër sukses 2-0 në shtëpi kundër Torinos. Bardhezinjtë dominuan thuajse krejt duelin, duke shënuar nga një gol për pjesë.

Weah zhbllokoi ndeshjen në minutën e 18-të, duke shfrytëzuar një inkursion të Cambiasos. Në pjesën e dytë Yldiz shënoi golin e dytë me një goditje me kokë, pasi u shërbye nga Conceicao.

Bardhezinjtë me këtë fitore shkojnë në kuotën e 24 pikëve në vendin e dytë së bashku me Interin, në pritje të duelit të nesërm të zikaltërve kundër Napolit. /R.Lika-Koha Jonë/