E ngarkuara me punë e SHBA-së takim me anëtarët e KLGJ: Mbështesim fort drejtësinë

E ngarkuara me punë e SHBA-së në Tiranë, Nancy VanHorn u takua këtë të martë me anëtarët e Këshillit të Lartë Gjyqësor për të nxitur përpjekjet e tyre të vazhdueshme dhe për t’i falënderuar për bashkëpunimin. Siç njofton ambasada e SHBA në Tiranë, VanHorn uroi Ilir Rusin për detyrën e re si kryetar i KLGJ-së dhe nënkryetaren Yllka Rupa.

Postimi i plotë

E Ngarkuara me Punë Nancy VanHorn u takua sot me anëtarët e Këshillit të Lartë Gjyqësor (KLGJ) për të nxitur përpjekjet e tyre të vazhdueshme dhe për t’i falënderuar për bashkëpunimin. Ajo uroi z. Ilir Rusi për detyrën e re si kryetar i KLGJ-së dhe gjithashtu nënkryetaren Yllka Rupa.

Znj. VanHorn ripohoi mbështetjen e fortë të Shteteve të Bashkuara për KLGJ-në dhe institucionet e tjera të drejtësisë, duke u kërkuar anëtarëve të KLGJ-së që të përmbushin përgjegjësitë e tyre për vlerësimin e kandidatëve, për emërimin e gjyqtarëve dhe për uljen e numrit të çështjeve të prapambetura me integritet, duke siguruar një sistem gjyqësor të pavarur, efikas, transparent dhe të përgjegjshëm.