Juventus ngulmon për Jadon Sancho, por ka vetëm një problem …

Juventus nuk ka ndërmend të ndalet në merkato, teksa “qershia mbi tortë” mund të jetë Jadon Sancho. Pas huazimit të tij në Borussia Dortmund. Duket se “djajtë e kuq” nuk janë veçanërisht të kënaqur me ofertën e Juventus, që përgatitet për një sulm të dytë.

Sipas “Gazzetta dello Sport”, pas shitjes së Chiesa te Liverpool, bardhezinjtë duan të largojnë edhe disa lojtarë të tjerë, si Kostic dhe Arthur, për të pasur thesarin për të mbyllur marrëveshjen me Sancho.

Problemi lidhet me pagën e lojtarit, i cili fiton 20 milionë euro në vit. Juve ka propozuar pjesëmarrjen për një të katërtën e shumës (rreth 5 milionë), të cilës do t’i shtoheshin dy të tjera për huazimin dhe bonus.

United janë të gatshëm të huazojnë pa detyrim dhe të marrin pjesë në pagesën e pagës së tij. Negociatat kanë ngecur sepse anglezët duan të vlerësojnë ofertat e tjera që mund të rezultojnë më të dobishme. Chelsea synon të bëjë një shkëmbim kokë më kokë me Sterling, por gjithçka do të zbulohet në orët e fundit të merkatos.