Juventus ka hedhur një hap të rëndësishëm për transferimin e Nicolás Tagliaficos. Sipas gazetarit të njohur të merkatos, Fabrizio Romano, bardhezinjtë kanë arritur marrëveshje për kushtet personale me mbrojtësin e majtë të Lyonit.
Megjithatë, transferimi i argjentinasit në Torino nuk është ende i sigurt. Për të hapur rrugën për Tagliaficon, Juventus duhet fillimisht të përfundojë transferimin e Juan Cabal te Atalanta, por kjo marrëveshje mbetet ende larg konkretizimit.
Mbrojtësi kolumbian nuk është bindur deri tani për një largim nga Torino, duke e komplikuar situatën në orët e fundit të merkatos. Për këtë arsye, Juventus duhet të gjejë një zgjidhje për Cabal përpara se të finalizojë operacionin për Tagliaficon.
Tagliafico, 33 vjeç, është nën kontratë me Lyonin deri në qershor të vitit 2027. Ai iu bashkua klubit francez katër vite më parë, pas aventurës te Ajax, dhe gjatë kësaj periudhe ka regjistruar 134 paraqitje në të gjitha kompeticionet, me 9 gola dhe 13 asistime.
Sezonin e kaluar, argjentinasi u aktivizua në 30 ndeshje me Lyonin, duke dhënë tre asistime. Me 83 ndeshje të zhvilluara me kombëtaren e Argjentinës, Tagliafico është një futbollist me eksperiencë të madhe ndërkombëtare, pasi ka qenë pjesë e rëndësishme e suksesit në Botërorin 2022.