Kampionatet kryesore nisin më shpejt këtë verë, ja datat

Kampionatet kryesore në Europë të futbollit do të nisin më shpejt gjatë kësaj vere për shkak të Kupës së Botës (në periudhën nëntor-dhjetor). Kjo ndikon drejtpërdrejtë edhe në nisjen dhe zhvillimin e kampionateve, pasi do të kenë pak kohë në dispozicion për të rekuperuar energjitë, pasi rikthimi në fushën blertë do të jetë i shpejtë.

Kampionati anglez, Premier League do të “luajë” topin e parë për sezonin e ri më 6 gusht dhe do të mbyllet më 28 maj 2023. Në Francë, sezoni i ri do të fillojë gjithashtu më 6 gusht dhe është parashikuar të mbyllet më 3 qershor 2023.

Kampionati spanjoll, La Liga do të nis më 12 gusht, ndërsa nuk ka një datë fikse për mbylljen e sezonit të rregullt. Bundesliga do të “ndez” motorët më 5 gusht dhe do të përfundoi më 27 maj 2023. Në Itali, Serie A do të nis më 13 gusht.

E përbashkëta e të gjithë kampionateve është ndërprerja e tyre në fundjavën e dytë të nëntorit, më 13, për t’u bërë gati më pas për emocionet e Kupës së Botës.