Kapiteni Lorik Cana dëmtohet, rrezikon Serbinë

Një lajm i  keq për Kombëtaren e Shqipërisë vjen në prag të ndeshjes vendimtare me Serbinë që do të luhet më  8 tetor në “Elbasan Arena”. Kapiteni kuqezi, Lorik Cana është dëmtuar në sfidën Lille-Nantes, në pjesën e dytë të ndeshjes ku dhe u zëvendësua në minutën e 56-të të ndeshjes. Siç u pa dhe në pamjet televizive, Cana mbahej nga dy pjesëtarë të stafit pasi nuk mund të vendoste këmbën në tokë dhe dëmtimi mësohet të jetë në kaviljen e majtë të futbollistit. Kujtojmë që Gianni De Biasi ka humbur për arsye dëmtimi edhe Mavrajn në ndeshjet e fundit dhe një mungesë e Canës do të ishte alarm i vërtetë për Shqipërinë, sidomos mbrojtjen, që për herë të parë është shumë pranë kualifikimit në një Kampionat Europian. Cana dhe Mavraj konsiderohen dy lojtarët kryesorë të formacionit.