Kaubojsi në stadium, ja si e përjetoi humbjen e Kukësit

Deputeti i PS-së, Eduart Ndocaj, i njohur ndryshe si “Kaubojsi”, është shfaqur pasdite në stadiumin e Kukësit për të ndjekur ndeshjen mes ekipit vendas dhe Tiranës.

Ai ishte i ftuar nga presidenti i këtij klubi, Safet Gjici.

“Sot ishte një ndeshje fantastike në Kukës.

Kukësi nuk meritonte të humbiste, po topi është i rrumbullakët. Herës tjetër fitore e sigurtë. Falënderoj mikun Safet Gjici për ftesën dhe pritjen, deputetin Ylli Shehu e plotë miq të tjerë të qytetit të Kukësit,” – shkroi Ndocaj në statusin Facebook, pas ndeshjes së sotme Kukësi-Tirana.

Tirana në sfidën direkte me Kukësin e normalisht dhe për parakalimin ndaj verilindorëve në renditje fitoi 1-0. Bardheblutë fituan në “Zeqir Ymeri”, me një gol të Muçës.