Kërkon lirinë, Gjykata Paraguaiane vendos për fatin e Ronaldinhos

Ronaldinho u ndalua nga policia e Paraguait në fillim të marsit, pasi u kap me dokumenta të falsifikuara. Legjenda e Brazilit pasi kaloi disa javë në burg në Paraguai, iu ndyshua masa e arrest me burg në arrest shtëpie.

Që prej 7 prillit Dinho së bashku me vëllain e tij, Roberto de Assis Moreira ndodhen në një hotel në kryeqytetin paraguaian, Asuncion (arrest shtëpie).

Së fundmi sipas informacioneve të “ Globe Esporte” Dinho dëshironte t’i jepte fund këtij dënimi, por drejtësia paraguaneze e hodhi poshtë kërkesën e tij. Ish-lojtari i Paris Saint-Germain, Barcelonës dhe Milanit është ende në pritje të përfundimit të hetimeve dhe nuk mund të kthehet në Brazil.

Ai përballet me një dënim deri në 5 vjet burg.