Keylor Navas bën gati valixhet pas afrimit të Donnarumma-s te PSG

Keylor Navas me shumë mundësi do të largohet nga Paris Saint Germanin gjatë kësaj vere. Edhe pse sapo ka rinovuar kontratën deri në 2024-ën me francezët afrimi i mundshëm në ekip i Gianluigi Donnarumma, ka bërë që e ardhmja e tij të ndryshojë.

Sipas mediave franceze, Navas e ka vuajtur shumë qëndrimin në stol te Real Madrid, kur te madrilenët u transferua Courtois, i cili i mori vendin e titullarit dhe një situate të tillë 34-vjeçari nuk dëshiron ta përjetojë sërish.

Klubet që kanë shfaqur interes për të nuk mungojnë me Juventus, Milan e Manchester United, që janë vënë në ndjekje të tij. Për ta lënë të lirë futbollistin parisienët kërkojnë 12 milionë euro.