Kombëtarja e Shqipërisë, klubet injorojnë ftesat për dy kosovarë

Sporti E Diel, 18 Prill 2021 23:07

Ish-talenti i Trepçës ’89, Rron Broja, është ftuar nga trajneri i Kombëtares Shqiptare, në turneun përgatitor të Turqisë, por nuk është lejuar nga ana e klubit belg ku luan aktualisht. Broja kishte marrë ftesën nga U-21, që drejtohet nga Skënder Gega, mirëpo, edhe pse pati fatin të ishte i ftuar në ekipin përfaqësues shqiptar, nuk është lejuar nga klubi i tij. Broja ka kaluar te Genti i Belgjikës, dhe sipas njoftimit të Federatës Shqiptare të Futbollit, ai është penguar nga ana e klubit. Kombëtarja niset nesër për në Turqi për një fazë përgatitore, ku pritet të zhvillojnë edhe tri ndeshje miqësore. Klubi i Partizanit nuk e ka lejuar as Amir Rrahmanin, që të niset në përgatitore, për objektivat që ka kjo skuadër. Megjithatë, për Rrahmanin po ndërhyn FSHF dhe pritet që në orët e fundit të marrë zgjidhje çështja e tij, ndërsa Rron Boja ka mbetur përfundimisht jashtë ekipit U-21 të Shqipërisë.