Konferenca për shtyp, Messi shpërthen në lot: Shumë e vështirë për mua

Pas më shumë se 17 viteve bashkëjetesë me Barcelonën, Lionel Mesi ka dalë përpara mediave në një konferencë për shtyp në “Camp Nou”. Që prej asaj kohë sulmuesi argjentinas ka thyer çdo rekord në historinë e skuadrës katalanase, duke u shndërruar në një prej lojtarëve më të mirë të gjitha kohërave në botën e futbollit.

Një numër i madh tifozësh ka zbarkuar në ambientet e “Camp Nou”. Ndërkohë një interesim i jashtëzakonshëm edhe në rrjetet sociale ku mijëra njerëz janë duke pritur me padurim fillimin e konferencës.

Lionel Messi e nis me të qarë konferencën për shtyp. U deshën disa minuta që ylli i botës të merrte veten kur doli para gazetarëve për herë të fundit nga selia e Barcelonës.