Atmosferë e tensionuar në kampin e Francës në prag të përballjes me Italinë në San Siro, e vlefshme për UEFA Nations League. Marrëdhënia mes trajnerit Zinedine Zidane dhe kapitenit Kylian Mbappe raportohet se po kalon një periudhë delikate, për shkak të mosmarrëveshjeve taktike, tensioneve në dhomat e zhveshjes dhe gjendjes fizike të yllit të Real Madridit.
Sipas raportimeve nga mediat italiane, pakënaqësitë nisën gjatë grumbullimit të kaluar, kur Zidane deklaroi se dëshironte ta aktivizonte Mbappén në krahun e majtë, me Ousmane Dembélé në qendër. Një vendim që sulmuesi thuhet se e mësoi përmes televizionit dhe nuk e priti mirë. Megjithatë, trajneri ka tentuar të qetësojë situatën, duke konfirmuar se kapiteni do të rikthehet në pozicionin e tij natyral si sulmues qendre.
Tensionet lidhen gjithashtu me garën për “Topin e Artë” 2025, ku raportohen përplasje mes Mbappes dhe disa lojtarëve të tjerë, përfshirë Dembélén. Ndërkohë, një tjetër shqetësim është gjendja fizike e francezit. Ai mungoi në stërvitjen e fundit dhe iu nënshtrua trajtimit nga fizioterapistët për shkak të problemeve në gju.
Me Dembelen dhe Marcus Thuram jashtë për shkak dëmtimesh, Franca ka alternativa të kufizuara në sulm. Megjithatë, Mbappe pritet të jetë titullar ndaj Italisë, me një objektiv personal: të shënojë për herë të parë kundër “Axurrëve”, pasi në 67 golat e realizuar me Francën ende nuk ka gjetur rrugën e rrjetës ndaj tyre.