Kristjan Asllani pranë largimit nga Interi, mund të përfundojë në Arabi

Sporti E Martë, 25 Gusht 2026 12:17

Kristjan Asllani mund të largohet përfundimisht nga Interi. Mesfushori shqiptar është në qendër të interesimit të Al Jazira, klubit nga Emiratet e Bashkuara Arabe, i cili ka nisur negociatat me drejtuesit zikaltër për transferimin e tij.

E ardhmja e Kristjan Asllanit pritet të vendoset në ditët e fundit të merkatos. Mesfushori shqiptar nuk bën më pjesë në planet afatgjata të Interit dhe tashmë një klub nga Emiratet e Bashkuara Arabe ka konkretizuar interesimin për të.

Bëhet fjalë për Al Jazira, që ka kontaktuar Interin për të diskutuar mundësinë e transferimit të Asllanit. Palët kanë nisur bisedimet, ndërsa pritet të dalin në dritë edhe detajet financiare të operacionit.

Asllani vjen pas një sezoni të kaluar në formë huazimi, fillimisht te Torino dhe më pas te Besiktas, ku kërkoi më shumë hapësira dhe minuta për të vazhduar zhvillimin e karrierës.

Tashmë, 24-vjeçari mund të nisë një aventurë të re jashtë Europës. Al Jazira e sheh mesfushorin shqiptar si një përforcim të rëndësishëm dhe po punon për të gjetur marrëveshjen me Interin.