Kritika Berishës, lavdërohet Cana, Juve shkon +5 nga Roma

Sporti E Hënë, 19 Prill 2021 01:45

Kishte kohë që priste të rikthehej në portë. Por pritja e gjatë apo fati duket se nuk e ndihmuan portierin e kombëtares sonë, Etrit Berisha, të shkëlqente në ndeshjen e fundit të Seria A me Lacion. Ai zuri vendin e Marchetti, i dëmtuar, por nuk bëri paraqitjen e dëshiruar. Skuadra e Berishës humbi 1-0 me Napolin dhe për golin e pësuar, faj pati edhe portieri Berisha. Sipas analizës së “EuroSport”, Etrit Berisha ka qenë futbollisti më i dobët në fushë në ndeshjen e fundit Lazio-Napoli, duke marrë një notë vlerësimi 4.5. Kapiteni i kombëtares sonë, Lorik Cana, ka qenë ndër më të vlerësuarit e këtij takimi për Lacion, pasi që është notuar me notën 6.5. Notë të njëjtë me kapitenin e Kombëtares së Shqipërisë kanë marrë edhe Miroslav Klose dhe Dushan Basta. Humbja në ndeshjen direkte me Napolin mund të vërë në rrezik objektivat e Lacios. Lacio do të luajë ndeshjen tjetër me Milan, që po njeh gjithashtu zhgënjime në Seria A. Milan humbi turpshëm me Atalantën 1-0 në “San Siro”. Roma barazoi 1-1 me Palermon, ndërsa e vetmja skuadër që nuk njeh krizë është Juventusi. Falë fitores 4-0 ndaj Veronës, me dopietë të Carlo Tevez, bardhezinjtë janë shkëputur nga vendi i dytë dhe marshojnë edhe më të sigurtë drejt titullit të radhës kampion.

Seria A/ Java e 19-të