Kukësi barazon ndaj Malatayaspor falë një super goli të Abazajt (VIDEO)

Kukësi ka arritur që të marrë një barazim 1-1 në testin miqësor ndaj Malatayaspor, ekip që pozicionohet në vendin e 8-të të Superligës turke. Pas një pjesë të parë pa gola ku trajneri Shpëtim Duro aktivizoi të gjithë lojtarët titullarë, Kukësi u ndëshkua në minutën e 56-të nga goli i veteranit Umut Bulut.

Skuadra shqiptare nuk u dorëzua pasi këtij goli dhe gjeti forcën për të reaguar. Në minutën e 83-të Kukësi barazoi shifrat me një supergol të Kristal Abazajt i cili dhuroi spektakël mes mbrojtjes së Yeni Malatayaspor duke shënuar një gol të bukur, ndërsa pak minuta më vonë pati një shans ideal për të kaluar në avantazh por topi i goditur kaloi ngjitur me shtyllën.