Kupa e Mbretit/ Sonte luhet super dueli Barça-Atletico, nesër është radha e Realit

Sporti E Martë, 25 Shkurt 2025 11:34

Sonte nisin gjysmëfinalet e Kupës së Mbretit. Tre gjigantët e futbollit spanjoll, të cilët aktualisht po luftojnë në krye të tabelës së La Liga-s, janë ende në garë, së bashku me Real Sociedad, të cilët shpresojnë të përsërisin arritjen e tyre në vitin 2020.

Ka një pritje të madhe për përballjen e mbrëmjes në Estadio Olímpico Lluís, ku Atletico Madrid sfidon ekipin e Flick.

Nesër do të jetë radha e Real Madridit të Carlo Ancelottit, fitues në sezonin 2022/23, i cili do të dalë në fushë në San Sebastian kundër ekipit të Imanol Alguacil. Ndeshjet e kthimit do të luhen më 1 dhe 2 prill.