Kush do ta fitojë Premier League? Superkompjuteri Opta jep verdiktin e tij

Arsenali nis sezonin 2026/27 me statusin e favoritit për të mbrojtur titullin kampion të Anglisë. Sipas parashikimeve të superkompjuterit të Opta-s, skuadra e drejtuar nga Mikel Arteta ka 38% probabilitet për të triumfuar sërish në Premier League.

Topçinjtë e mbyllën sezonin e kaluar në krye të kampionatit, duke i dhënë fund një pritjeje 22-vjeçare për titullin. Tashmë, Arteta synon të hyjë në një grup të veçantë trajnerësh që kanë arritur të mbrojnë kurorën në futbollin anglez.

Pas Arsenalit, rivali kryesor sipas Opta-s mbetet Manchester City, me 20.5% shanse për titullin. Në vendin e tretë renditet Liverpooli me 9.2%, ndërsa më pas vijnë Manchester United (6.2%), Aston Villa (4.8%), Chelsea (4.1%) dhe Tottenham (2.9%).

Parashikimi për titullin:

Arsenal – 38%
Manchester City – 20.5%
Liverpool – 9.2%
Manchester United – 6.2%
Aston Villa – 4.8%
Chelsea – 4.1%
Tottenham – 2.9%
Opta parashikon edhe luftën për mbijetesë

Në skajin tjetër të tabelës, Hull City shihet si skuadra me rrezikun më të madh për të rënë nga Premier League, me 38.7% probabilitet. Pas saj renditen Ipswich Town (31.2%), Coventry City (27.9%) dhe Sunderland (25.9%). Ky i fundit mund të përballet me një sezon veçanërisht të vështirë për shkak të angazhimit në Europa League dhe një merkatoje jo shumë aktive. Në zonën e rrezikut janë gjithashtu Fulham (23.4%), Leeds United (22.5%) dhe Crystal Palace (20%).

Skuadrat me rrezikun më të madh për rënie:

Hull City – 38.7%
Ipswich Town – 31.2%
Coventry City – 27.9%
Sunderland – 25.9%
Fulham – 23.4%
Leeds United – 22.5%
Crystal Palace – 20%

Nëse parashikimi i Opta-s rezulton i saktë, gara për titull pritet të jetë sërish një duel kryesisht mes Arsenalit dhe Manchester Cityt, ndërsa në fundin e tabelës disa skuadra do të luftojnë fort për të shmangur Championship-in.