Kylian Mbappe është i sëmurë rëndë?

Kylian Mbappe ka qenë “si një hije” e vetvetes në aventurën e re që ka nisur te Real Madridi. Prej muajsh, sulmuesi është nën kritikat e tifozëve dhe publikut në Spanjë dhe shumë po pyesin se çfarë po ndodh me të.

Gazeta e famshme franceze “L’Equipe” ka publikuar një lajm se Mbappe ka probleme serioze jashtë fushave. Detaje të reja dhe tronditëse lidhen me shëndetin e tij. Një burim pranë futbollistit pohon se Kilian muajt e fundit ka pasur probleme mendore, pra vuan nga depresioni i rëndë.

“L’Equipe” pretendon se Mbappe aktualisht po punon me specialistë për tu rikuperuar dhe rifituar formën e tij. Francezi shënoi 8 gola në 16 ndeshje për Realin, por vetëm një në 7 ndeshjet e fundit. Në 8 golat, katër prej tyre i ka shënuar me penallti.

Një problem shtesë janë dhe akuza për përdhunim gjatë një udhëtimi në Stokholm për një festë, e cila u bë publike në tetor. Francezi së fundmi nuk ka marrë ftesë as nga Deschamps, ndaj dhe problemet për të janë të shumta.