Laçi-Tirana, dënohet gjyqtari Pashaj, FSHF “i jep leje” për në SHBA

Gjyqtari Bardhyl Pashaj  është konsideruar fajtor nga FSHF, për gabimet e rënda që influencuan në ndeshjen e dytë gjysmëfinale Laçi-Tirana. Kjo ndeshje përfundoi 1-0 për kurbinasit, që shkuan në finale,  por Pashaj nxori Ndikumana me të kuq dhe mori disa vendime të kontestueshme në fushë. Për këtë arsye ai dënohet nga FSHF deri në fund të sezonit për të mos arbitruar më. Mësohet se gjyqtari Pashaji pas këtij sezoni kishte planifikuar të largohej drejt SHBA-ve. FSHF, i dha siç duket një mundësi që të largohet me shpejt.