Lautaro Martinez i thotë “po” Barcelonës, por Interi reziston

Do të jetë një verë e gjatë për Interin dhe Lautaro Martinez. Sulmuesi argjentinas është objektivi i parë i skuadrës së Barcelonës, teksa çdo ditë që kalon lajmet për këtë lëvizje sa vijnë dhe shtohen.

Sipas mediave spanjolle Lautaro i ka thënë ‘po’ Barçës që i ka garantuar edhe një vend titullari në skuadër. Tashmë detyra më e vështirë për klubin blaugrana është të bindë Interin që kërkon t’ia ngrejë nga 111 milionë euro në 150 milionë euro klauzolën e largimit 22-vjeçarit.

Në këto kohe krize financiare nga koronavirusi, për Barcelonën janë shumë dhe 111 milionë euro dhe jo më 150 dhe për këtë arsye për të ulur koston e transferimit klubi blaugrana kërkon të përfshijë në marrëveshje si shkëmbim lojtarë të tjerë.

Nga ana tjetër Lautaro për të cilin interesohen edhe Chelsea e Manchester City, ndaj dhe klubi zikaltër nuk do të pranojë asnjë ulje të çmimit në negociatat me Barcelonën.