Lautaro Martinez ka folur për titullin në prag të derbit të Italisë, Inter-Juventus. Argjentinasi ka premtuar besnikëri ndaj klubit zikaltër.
“E dua titullin, po punoj dhe jam këtu për këtë objektiv. Pas shumë viteve të dominimit të Juventusit, këtë vit kampionati është më i ekuilibruar dhe argëtues. E ardhmja? Klubi dhe menaxheri im po flasin për rinovimin, do të gjendet një marrëveshje. Unë ndihem mirë në Milano, jam i qetë.
Ne po luftojmë për një qëllim: të fitojmë. Kur ta bëjmë, do të jetë e mrekullueshme. Kemi pasur një fazë përshtatjeje për lojtarët e afruar së fundmi dhe tani jemi atje ku kemi dashur. Tani duhet të punojmë fort për të qenë gjithnjë e më shumë një ekip.
Lukaku? Ndihem mirë me të brenda dhe jashtë fushës, ai është shumë i përulur. Ka një histori të ngjashme me timen, ne nuk vijmë nga asgjë dhe kuptohemi me njëri-tjetrin.
Conte? Është një trajner kërkues që punon për të të përmirësuar, siç ndodhi me mua. Ardhja e tij ishte thelbësore për mua. Messi? Në ekipin kombëtar kam fatin të luaj me të, është fantastik”.