Lazio vijon rrugëtimin fantastik në Seria A, duke marrë fitoren e tretë radhazi. Viktima e radhës ishte Genoa, duke fituar 3-1 në “Marassi”. Ndeshja nisi në mënyrën më të mirë për Lazion që do të gjente rrugën e rrjetës që ën minutën e dytë. Adam Marusic del mjaft mirë me një aksion të shpejt, shmang dy mbrojtës dhe më pas mposhtë portierin Perin.
Vendasit kërkuan me ngulm golin e barazimit, por fati dhe Strakosha ja mohuan në pjesën e parë. Në minutën e 51-të, pas një aksioni të shpejt, Immobile godet mjaft mirë në hyrje të zonës duke e dërguar topin në cepin e portës së Perin. Ky është goli i 27 në këtë sezon për sulmuesin italian.
Genoa reagoi mjaft mirë duke shënuar një super gol me Cassata-n vetëm 5 minuta më pas, me një goditje në hyrje të zonës. Lazio me disa zëvendësime arriti që të shënonte edhe golin e tretë me Cataldin. Në fundin e kohës së rregullt, vendasit rikthyen shpresat me një penallti të kthyer në gol nga Criscito. Gjithsesi në shtesë nuk do të arrinin që të shënonin një tjetër gol duke mbetur në zonën e rënies nga kategoria. Lazio mbetet vetëm një pikë larg nga Juventusi. /R.Lika-Koha Jone/
