Lazio sqaron aksidentin e frikshëm të Immobile-s: Ka shtrembërim të shtyllës kurrizore

Kapiteni i Lazios, Ciro Immobile së bashku me vajzat e tij është përfshirë në një aksident automobilistik mëngjesin e sotëm. Klubi ka dalë në një deklaratë për shtyp teksa ka informuar mbi gjendjen shëndetësore të futbollistit.

“Sulmuesi pësoi një traumë me shtrembërim të shtyllës kurrizore dhe një frakturë në brinjën e 11-të nga ana e djathtë. Kushtet aktualisht janë të mira. Futbollisti mbetet nën vëzhgim në departamentin e mjekësisë urgjente të drejtuar nga profesori Francesco Franceschi i Spitalit Universitar Agostino Gemelli IRCCS në Romë”, thuhej në deklaratë.

Bashkë me sulmuesin e Lazios brenda në makinë gjatë aksidentit, ishin dhe dy vajzat e tij. Në këtë aksident janë përfshirë disa makina të tjera dhe 7 persona janë transportuar me ambulancë në spital.