Lionel Messi, kapiteni i Inter Miamit, është finalist për çmimin MVP të MLS për të tretën herë radhazi. Ai e ka fituar këtë trofe tashmë në vitet 2024 dhe 2025, duke u bërë lojtari i dytë që e arrin këtë dy herë, pas Prekit, i cili triumfoi në 1997 dhe 2003.
39-vjeçari Messi ishte golashënuesi më i mirë i sezonit të rregullt me 26 gola në 31 ndeshje për Miamin, skuadër që do të kërkojë titullin e dytë radhazi kur të fillojnë play-off-et javën e ardhshme.
Finalistët e tjerë për çmimin MVP përfshijnë mesfushorin gjerman Hany Mukhtar (Nashville SC), brazilianët Evander (FC Cincinnati) dhe Guilherme (Houston Dynamo), si dhe amerikani Cavan Sullivan (Philadelphia Union), zbulimi i këtij sezoni në moshën 17-vjeçare. Sullivan, me nëntë gola në 29 ndeshje, është gjithashtu finalist për Lojtarin e Ri të Vitit, së bashku me Julian Hall të New York Red Bull dhe Adri Mehmeti.
Marrë nga France 24 Live News