Lista, De Biasi: Ja pse i largova Rashicën dhe Gjimshitin

Përmes një konference nga Austria, trajneri i kombëtares kuq e zi Gianni De Biasi ka shpjeguar arsyet e lënies jashtë listës zyrtare për Euro 2016 të katër futbollistëve.

Sipas tij, motivet e zgjedhjes kanë qenë teknike dhe fizike.

“Lojtarëve ua shpjegova arsyet e largimit të 4 futbollistëve. Motivet e zgjedhjeve të mia janë teknike dhe fizike. Gjimshiti nuk u grumbullua sepse nuk ka luajtur për një vit, ndërsa  Rashica nuk ishte pjesë e eleminatoreve ndaj zgjodha të mos e marr në Francë”, argumentoi ai.

De Biasi shtoi gjithashtu se lista për euro 2016 ishte një zgjedhje e vështirë dhe e vuajtur.