Evropianin e fiton Italia!

Trajneri rumun Mircea Lucescu ka folur për Serinë A dhe “Euro 2020” në një intervistë të dhënë për Tuttosport.

“Italia ishte kampionati i presidentëve ku fiton ai me më shumë para. Tani, që në Serinë A nuk është më e mundur të blihen lojtarë 100 milionësh, po i besojnë trajnerëve që duhet t’i ndërtojnë kampionët e mëdhenj”- tha Lucescu.

“Evropianin do ta fitojë Italia. Deri tani, kombëtarja e Mancini-t është ajo që më ka befasuar dhe argëtuar më shumë. Kanë treguar më shumë se gjithë të tjerat se janë ekip. Italianeve nuk iu del dot para as Franca!”-deklaroi Lucescu.